ReNeE'S FuNnyFaCe

     今晚，俾我阿妈闹咗餐劲嘅，基本上系属于雷暴雨果挺......

      阿妈话我唔认真读书，成日挂住谂拍拖嘅事，方死自己嫁唔出咁，又话我高中系咁，衣家大学又系咁，颓废堕落，一D都唔发奋，又讲到第时出来揾工我就知味道了，系唔系研究生好重要噶，想揾份好工就一定要考研，仲话讲几多都系为我好，唔想我行太多弯路......

       讲完呢D就转入暴雨阶段了。我又见到佢喊了。每次见到佢喊，都有种好特别嘅感觉，唔知自己可以做D咩，但系觉得好心酸，亦都觉得好励志，另外更加多嘅系，唔想见到佢喊。

       系咯，有边个做仔女嘅会希望见到自己嘅父母为自己而喊？（除非系你上台拿奖果吓啦！）

       其实我觉得佢都讲得唔完全啱，佢见到嘅只系我其中嘅一面姐。但系，我开始了解到我妈对我有好大期望，绝对唔系响学校捞个本科文凭翻来就算了。

      突然谂到，呢排我知佢有好多事唔开心，今日心情更加系劲差。系呢个MOMENT，我无安慰、开解佢不突止，仲死咁响度讲埋D无谓嘢激嬲佢......真系好唔成熟啊，点会做埋D咁嘅事噶！本来我系谂住讲D嘢来分散你注意等你谂吓其他嘢，开心D噶，点知搞成咁......

        我真系有时都觉得，你唔点听人讲嘢嘅，系一个好容易被自己嘅情绪左右嘅人。有时我都觉得几辛苦噶，事关我又系个唔中意驳嘴嘅人，你闹我我就忍，宁愿扮无事......不过其实我都FEEL到你系为我好噶，你个人就系咁，心慈口硬，唉～

       算罢了，我会努力D噶了～我真系好唔想考咩研究生，不过如果我考咗你会觉得开心嘅，我谂我会尽量去考到......

       徒儿你曳啦，居然次次都有录音！！既然你系想录来听自己把声，就唔好录埋我地嘛～～  不过都要多谢你录出来。

       听翻咁多次唱K，好HIGH啊！好好玩，真噶。丰丰声嘶力竭，咸咸沉稳，大静飘忽，徒儿甜美～～各有各特点！我啊，我～中性咯把声～哈哈！

      好开心。感谢主。感谢菩萨保佑。

      喂，可唔可以唔好停啊？大家一齐咁开心！～～ 

       谂起，觉得几想笑......

      我觉得佢唔系我之前谂嘅咁样，其实个人都好似几～重感情啊！一个男仔，平时无离正经，居然会为呢种事觉得DOWN，佢女友真系好幸福啦！～

        唔知点解咧，硬系觉得佢地未必可以坚持落去......咁样谂好似好衰，明明我仲同佢讲“最紧要系自己嘅！乐观D谂嘛！你地得嘅！”不过～响我地呢个年纪，长距离嘅恋爱似乎都系以分开结局嘅～～

       不过我都其实希望你同你女友仔可以坚持落去啊！努力努力！希望你下次唔开心都来同我讲吖！！不过如果你开心都来同我讲就最好啦～我比较中意听开心嘢～～～～

       哇咔咔，好想笑～～有种好奇怪嘅FEEL～～明明寻晚仲觉得几DOWN，但系衣家就开心晒，觉得寻日嘅所有事，都唔系咁可以另人DOWN姐～～～～貌似谂通晒......

      某人曾经同我讲话佢好OPEN，搞到我以为佢系果D专职搞事嘅公子哥儿～～喂，你唔好咁讲佢啦，我觉得佢系果种外表开放内心收敛嘅人～同我一样～～～哇咔咔！！！！！！！       

      突然觉得很迷惘......

      真的觉得自己是个乐观开朗的人，而且我也很喜欢自己是这样的人。

      但是，我还是会有悲伤的时候。

      突然感到很迷惘。应该怎么做呢？

     我觉得我总是在刻意地隐藏自己的不开心，希望别人觉得我是永远快乐的人。

      可是这么做，真的对么？我也想有人分担我的忧伤。

      那么，乐观开朗的人，也可以向人诉苦、或是悲哀么？？

          今日本来同人约好两点见面，点知佢两点先同我讲佢要四点先赶得到！！真系，我自己无拉拉白行一趟都算了，仲拖累阿FF同学要帮我去拿飞～ 

         当时其实都真系几嬲吓，觉得好似俾人玩咁......但系我打电话俾佢，问清楚咗之后呢，又觉得佢都可能有佢嘅难处。始终，无人会有心去难为一个同自己无咩过节嘅人噶。相信佢有佢嘅难处，或者系俾飞佢果个人嘅问题咧！

        于是突然觉得呢个世界上，好多嘢都系有联系噶。当初，如果佢无响个Q群度讲有飞卖，我就唔会知道；我唔知，就唔会讲俾我个F听；我个F如果唔系咁啱想去长隆，就又唔会话想买；我个F如果唔买，就又唔会搞到要出来交货；要交货，所以我个F身体唔好就唯有我来代佢拿；如果唔系我出来就又唔会叫到阿FENG同学；如果FENG同学唔出来我就今日都可能无办法拿到飞......

        无咩POINT添好似～   其实唔系嘅，总括来讲我今日个POINT系：

       其实，呢个世界系因果联系噶，一报还一报，不断嘅轮徊～～

       命运巨轮已经开始转动了～～～～哇哈哈哈～～

       汗......癫咗了已经～～

      发现新大陆！！！

      超赞的周杰伦和李云迪同台演出！翡翠台曾经播过的，错过的朋友们这次不要错过！必看！！

     超赞！！

    http://www.6rooms.com/watch/21809.html

        好开心啊～今日终于识搞个BLOG啦！！

        我自己改咗好多嘢噶！例如上面幅画啦！（呢幅画系《ECHO AND NARCISSUS》，内容系一个希腊神话，有兴趣自己去查查啦！我超～～中意呢幅嘢兼呢个故事～～） 例如字啦！ 好多嘢好多嘢！

         我仲插咗首歌入去啊！！不过隐藏咗佢～ 

         好开心，学到嘢啦！！

        最近睇咗一个F嘅文章，内容系佢对于习惯嘅一D睇法，觉得佢讲得好有道理。人不断咁习惯紧一个习惯，当自己意识到嘅时候，就会觉得唔掂，要抽身啦，然后抽离呢个习惯，再之后就投入一个新嘅习惯，到咗又习惯呢个新习惯嘅时候，又抽身，然后再习惯新习惯，再抽离再习惯再抽离再习惯再抽离……

       所以第一个发明习惯呢个词嘅人，都几伟大。佢系点样发现到习惯呢样嘢噶咧？

      我觉得自己都系一个被习惯左右嘅人。谂谂吓，我生活中嘅所有嘢，似乎都同习惯有关。习惯日日都上网，习惯上网就上自己个BLOG度睇睇，习惯一上Q就扫一轮人地嘅签名睇吓有无新嘢，习惯朝早起身要摸摸臭饼，习惯睇电视要睇翡翠明珠MTV，习惯训觉前要楂本书睇睇，习惯得闲要同班F出来玩玩，习惯出来玩嘅节目系唱K，习惯行街就揾呢个或者果个或者果个果个……

       貌似无咩规律嘅生活，其实已经被规律限死咗了。

      但系我中意咁样。习惯真系无办法摆脱，咁咪唔好摆脱咯。好多习惯，我都唔想抽离。可唔可以俾我继续习惯呢D习惯呢？既然都已经系习惯，我都唔想改了。

       点解你要咁抗拒习惯咧～我觉得你可以尝试接受习惯。我明白每个人嘅性格都唔一样，谂法亦都唔同，但系～我认为如果你觉得习惯呢样嘢困扰到你，咁你不妨试试去接受佢～咩嘢都唔好改变，维持现状，我觉得好满足了。

       果然，搬咗屋之后，少咗好多人来我个BLOG度留言。算啦，我唔系写来博留言嘅，都算写来俾自己睇噶。

      今晚，听住刘浩龙只《ALL THE BEST》，发现，真系同佢好啱FEEL！好奇怪，听侧田或者系刘浩龙唱歌，特别容易被感动到～点解呢？同一首歌，第个唱可能就无咁特别了。所以话，人真系有特殊偏好噶。

       头先听到刘浩龙首《沧海遗珠》，觉得好正！编曲温暖中又带点俏皮，至于歌词，更加系既感人又励志！！好正，一听我就立刻爱上！！！

        今日又去唱KK啦～～传说中有灵异事件嘅北京路NEWAY～～

       基本上，我觉得都唔错吖！房间又大，歌又唔算旧，而且有3支MIC喔！啱晒三个人唱SHE啦～

       今日我地几个仲唱咗好多以前无唱过嘅嘢添！比较开心。

      今次，应该系一年内五人组嘅最后一次唱K活动了。之后就算去，都唔系我地五个，而可能系四个搭多个其他人了。有D感慨～虽然，一年好快就过，但系一年其实都可以发生好多事啦！入咗大学之后，真系觉得时间好快过，每一年过去，人就向社会又行近咗一步～切，又乱发感叹了～～～

      或者呢D就系成长了。

      顺带提吓，原来有好多歌唱起来都好好玩，好有娱乐性噶！可惜今日把喉唔多舒服，唱唔到D高难度嘅歌～～～不过今日嘅气氛都几好啊，ENJOYING～～～

           虽然，我笑起来的样子不太好看～～

           但是，我仍然要笑。

           就让我带着笑容去面对你们漂亮的笑脸吧！

           PS：好无奈哟～～～为虾米ME笑起来会不好看呢？？奇怪啦！！其实偶也很想做美女滴说！～～看来是没啥希望了～～～～～

                  算！宁愿不漂亮，我也不愿意忍着笑！！！切！～～～～

       今日睇《一升的眼泪》，由于之前好多人都话感动到十包纸巾都唔够用，所以我都做好晒心理准备，打算好好咁喊翻场。点知，睇咗十集了，一D喊嘅冲动都无。

       我其实都觉得女主角几惨，非常同情佢，但系可能系睇紧戏嘅关系，我始终无办法投入去，反而我成日谂，现实中嘅女主角经历嘅嘢，根本应该系辛苦得多了。真实嘅亚也，本身唔系一个好似女主角咁靓女嘅女仔，亦都无好似男主角咁嘅男朋友。佢人生中经历嘅事，局外人简直应该系无法想象噶。有时谂到佢嘅一生，我会觉得，换转系我，我应该会几想自杀。但系又未必嘅，我觉得我都系个乐观嘅人，应该可以坚强咁撑落去嘅。

       真系好耐都无喊过了。对上果次喊系因为咩事呢？我都唔记得啦。据闻喊系对身体有好处噶，死了，我都几担心我嘅身体吖。

       好多人都觉得我根本系个男人。哈！无奈之余我都要承认，我真系无咩女性特征（心理上咋！）。但系点算呢，我谂已经无得改了，而且我真系几中意咁样嘅自己噶～～（自恋心理发作）

       我最近特别有种感觉，就系原来我，真系唔中意欠人地D咩嘢噶。如果人地有咩对我唔住或者欠咗我，我最多都系UP两句发泻下就无事了。但系如果掉翻转，我欠人，真系好难顶。一得闲嘅时候，我就忍唔住谂起，折磨吖！！！！！好烦，人点解要烦呢！

       我一直以为人笑起来都会好靓，但系前几日睇相，我突然发现我笑起来唔好睇。以前影相都有人讲过噶，话我唔笑个样比较好。点解会咁噶？我真系好中意笑。哼～突然觉得几讽刺，原来笑起来唔好睇嘅就系我自己。无奈吖！！

        今日有少少低落嘅心情，可能无聊加上睇紧《一升》，所以有影响。如果有人睇咗呢篇嘢唔高兴，咁对唔住了，当无睇过咯好唔好？

       就算我几乐观，都会有唔开心嘅时候噶。

        今日见到一个旧同学嘅签名，好有意义，所以摆上来同大家分享吓。

      “要记住，系呢个世界上，无其他人值得你为佢喊；而惟一值得你为佢喊嘅果个人，永远都唔会令你喊。”

       系咯，有时D嘢，讲就易，做起身难咧。可以唔喊，我谂无人会拣去喊。不过呢段嘢教识我地，喊之前，谂清楚，究竟值唔值得去喊。   

       其实我妈妈都同我讲过，世界上每一个人都有同佢系一对嘅另一个人。有D人孤单一生，系因为佢揾唔到果个人，所以孤单嘅其实唔只系一个人，而系两个人。人海茫茫，其实要揾到真系唔容易，但系事实上两个人都系度努力咁揾紧对方噶嘛！所以，我觉得如果话自己孤单，咁就太唔公平了～

      今天，情绪很混杂，似乎真的很需要点笑话来刺激一下呢！！哈哈！！笑吧，笑才可以忘记不快！！哈哈哈哈哈哈～～～～～·····

<一>: 问：麒麟飞到北极后变成什么？？

         答：冰淇淋。

<二>: 老师带小朋友上山采水果，约定采好后洗干净一起吃。集合时间到了，小朋友都回到集合地洗水果。

         小明：“老师，我在洗苹果，我采到苹果了！”

        小美：“老师，我在洗番茄，我采到番茄了！”

         小华：“老师，我在洗布鞋，我踩到大便了！”

         老师：“……”

<三>： A买了一只烧鸡，回到家里放到桌上，准备过一会儿再吃。家中的狗看见了，便趴到桌边闻烧鸡。A大惊，怒吼：“你敢怎么对那只鸡我就敢怎么样对你！”

           于是那只狗看了A一眼，然后伸出舌头舔了舔鸡屁股…… 

       今日终于安顿好晒，可以坐低写呢篇HK之行嘅游记啦。

       香港嘅节奏真系好快啊！连个人行电梯都快过人。对于我呢种响广州都有搭LIFT恐惧症嘅人来讲，香港地铁站嘅人行电梯简直系极速，每次行都行到我心惊惊！至于行系街度，大家嘅脚步都似乎比较地快咯，我呢挺懒散惯嘅人真系好难适应吖！

       讲吓迪士尼啦。人地开咗成年之后，我先终于入到去参观啦。基本上，同我预计嘅大细差唔多，甚至可以话系仲细咯～郁闷吖。搭紧铁过去嘅时候，发现成车都貌似系大陆客，自己都觉得几搞笑。去到乐园入口，哇！人潮吖人潮！多人多到！！唔明，果日天气都唔系好吖，居然仲有咁多人…无晒意见啦我！

        不过其实当日都好开心！一入乐园就见到我嘅至爱－－跳跳虎！哇！可惜，太多人排队同佢影相啦，我最唔中意慢慢等噶啦，所以放弃咗合影机会——有D遗憾咯。入到去，美国小镇大街都设计得几好吖，几有FEEL吖。入到商店，居然允许人影相喔！好开心吖！货品的确就比较贵啦，但系－－唔买，揸住影张相就当买咗啦！摆系个心嘅嘢俾实际得到嘅更有价值啊！之后系花车巡游，好正喔！我一直以为自己会睇到都无咩感觉，点知～原来我会好兴奋噶！尤其系，系我同大静嘅努力挥手下，巴斯光年指住我地讲“多谢你吖！”，灰姑娘都同我地挥手讲拜拜吖！哇，HAPPY到我吖～虽然明知系人扮嘅，算啦！投入D啊嘛！之后我地玩咗几样嘢，仲玩咗两次过山车添！不过电脑影出来我个样好得人惊，真系好似吓到好紧要添！咳～花容尽毁啦真系！最后晚黑嘅烟花，灯光同音乐配合得非常PERFECT，俾人耳目一新嘅感觉！好过春节嘅烟花好多啦！哈哈！

          跟住讲讲住宿。间酒店细到出乎我意料吖！咁细都得嘅？个厕所，坐都唔够位坐落个马桶，比较离谱咯！不过呢，我又觉得咁样细细间好WARM喔！我不嬲唔中意大大间嘅房噶，空间大我会觉得唔安全。而且更WARM嘅系，每晚训之前都可以FEEL到大静就响我身边，朝早咸咸同丰丰都会过来叫我起身～真系好似一家人咁吖！好SWEET咯！

       最后讲讲SHOPPING MALL。好靓！真系好靓！就算你话我大乡里出省我都要话好靓！特别系朗豪坊，印象深刻，长长嘅电梯，灯光效果出众嘅天花，劲强嘅冷气……简直系我呢D中意剩行街唔买嘢嘅人嘅至爱！而且人地《天幕下的恋人》都系响呢度拍噶喔！！哇哇，型吖！

       总括来讲就系好！今趟旅程真系好开心。嗯，多谢晒大家嘅支持喔！哇哈哈！！   

     今天，几经周转，ME终于找到了这个地方，那么就暂时把这里当成ME的窝吧，如果住得舒服那就不走啦！

       稍微的庆贺一下！～～哈哈哈哈哈哈！！！